annunziar per plascher el portal "My Kiwanis" >>>

(igl entir program  anflas medemamein online)

Ch'in tunnel ei buca gest mo in tunnel havein nus astgau veser a caschun da nossa viseta a Tusaun. Cuosts d'electrizitat da CHF 80'000.- ad onn per in sulet tunnel da ca. 2km e ventilaturs cun in motor da 250kW fan impressiun e muossan las immensas installaziuns per che tut funcziuneschi bein E segir cu nus carrein tras quels tunnels.

Ei drova la neiv quest'unviern, buca mo a Breil. Tuttina han entgins ughegiau dad i cun skis e gudiu la neiv che ei silmeins els aults avon maun. Quels che han buca vuliu i cun skis han fatg ina spassegiada a Vuorz e pli tard anavos sur Alp Dado, Burlaun tochen Breil. Cordial engraziament a nies club padrinadi da Flem per l'organisaziun ed allas Pendicularas in grond engraziel per il sustegn. La cuschina sin l'Alp Dado ei stada super, savein mo cussegliar quella ed havessan buca spitgau in tal Menu en ina regiun da skis.

Sin sia pagina anflan ins il suandoont: "Seit gut 50 Jahren sammelt Beat Livers Ski- und Snowboardmodelle aller Art. Zuerst noch im Keller – mittlerweile in einer Lagerhalle in Flims. Gut 1500 Paare sind in den letzten Jahren zusammengekommen. 1500 Skipaare – 1500 Geschichten. Lust gemeinsam Skigeschichte hautnah zu erleben?"

Ei seigi stau bi, silmeins il bia. Tuttina seigi era bien che quei temps seigi a fin. Ins vesa sco viseta mo la biala vart da quei bellezia liug. Che tut funcziunescha sin varga 3400 msm. mo cun fetg bia lavur ed engaschi davostier mo ils paucs che studegian. Ruedi e Christine han fatg quella lavur "davos las culissas" e nus havein astgau tedlar e surstar sur da lu engaschi. Naven da better ora neiv, mirar o l'aura e rapportar quei vinavon, s'engaschar per differentas emprovas da labor, cuschanar e far il percasa tochen menar gruppas da visetas s'auda tut tier quella plazza.

Avon 1 meins ein nos amitgs da Meran stai tier nus e fetivau "20 onns Kiwanis Surselva", uss essan nus stai tier els e festivau ensemen siu giubileum da 50 onns. Il program accumpignont ei staus vasts e ils organisaturs han capiu da cumbinar la cultura e la culinarica. En ina simpatica atmosfera e buna cumpignia havein gudiu quella fin d'jamna. La historia raschunan ils maletgs...

Nies "ex commember" Maurus Cavigelli ha mussau a nus il project dalla Senda dil Dragun a Laax. Ina biala sera da stad havein nus giu la Senda mo per nus. Sper entginas cefras e mesiras che Maurus ha saviu ruschanar sur da quei project ei secapescha il viadi sur quella staus in eveniment tut spezial. Igl ei ina da quellas caussas ch'ins visitas sch'ins fuss enzanua en vacanzas, cun ils Kiwanis ei quei ella regiun il cass, pia bunamein sco vacanzas.

Tut spannegiai eran nus tgei che Lara, la feglia da nies commember Ruedi e da Monika ha da rapportar sur da ses viadis. Viadis ei biars che fan, ed era en da tuttas tiaras, denton ei tier la Lara spezial ch'ella ha visitau dabia tiaras nunusitadas, plinavon sco dunna persula! Schegie che la presentaziun ei stada empau liunga, ein tuts e tuttas stai eri e tedlau "cun bucca e nas" las historias nunusitadas da Lara. Engraziel fetg alla Lara per quella biala presentaziun e sin tes viadis giavischein vinavon plascher e bialas sentupadas.

Die IBC entstand vor über 125 Jahren; 1896 als die Stadt Chur das damalige Elektrizitätswerk, das Gaswerk und die Wasserversorgung in einem Unternehmen vereinte. Heute ist die IBC das einzige Querverbund-Unternehmen in Graubünden und der kompetente Partner für Energie und Wasser in der Region.

Adina puspei carreschan ins sper quels baghetgs a Domat, senza saver tgei che sezuppa davos quels. Nus havein astgau visitar la Axpo Tegra AG e mirar davos las culissas. Dapli che 210'000 tonnas per onns furneschan cheu different lenn (ord igl uaul ed era lenna veglia) che produzescha lu energia. 210'000 tonnas corrispundan ca. 25 camiuns gronds per di che furneschan il material, 60% ord il cantun Grischun, il rest dalla bassa (tochen egl Aargau).

Ei bischa si Breil ed ei firau ella Surselva, tuttina ha ina pulita gruppa anflau la via tier nies commember Ruedi a Tamins/Tumein. Fuss era stau donn da buca esser dalla partida, ina buna investa ella fatschenta cun ina presentaziun da David Berther e silsuenter in'excellenta tscheina. Engraziel fetg Ruedi per quella grondiusa sera da cumpignia e per tscheina e bubrondas!

Christian Aubry ha mussau a nus il tschalèr da glatscha a Glion e nus havein sentiu si'energia e plascher da luvrar cun da tutta sorts crappa. "Sia" fontauna -che nus havein viu a Glion en in format 1 sin 5- ha la Lydia visitau a Turitg. Proponel da visitar l'exposiziun da grappa che vegn a cuzzar varga 2 onns. Engraziel a Christian per sia lavur.

Sin sia pagina anflein suandontas informaziuns: "Baukunst Graubünden steht für besonderes Handwerk, für einen Familienbetrieb mit langjähriger Erfahrung und einer wertschätzenden Beziehungskultur innerhalb unserer Werkstätten und mit unseren Auftraggebern. Unsere Werkstatt liegt oberhalb von Ilanz. Das denkmalgeschützte Gebäude diente einst als Eiskeller einer Brauerei. Heute ist es renoviert und zum Zuhause von drei Handwerksgattungen mit gemeinsamer Philosophie geworden: die Steinwerkstatt - die Schreinerei - die Kalkerei"

L'aura ha manegiau bein cun nus, plein curascha e cun da tuttas maschinas essan stai sin l'alp da Siat e ragischar ora (bunamein) tuttas crestas tgiet, ni sco ils dalla Cadi dias: las striaunas. Engraziel a tuttas e tuts che han impundiu quei di per emplenir nossa cassa soziala, era in engraziel al René per il gentar. Ei stau in bi di da cumpignia, denton era stregn.

Gia inaga essan stai a Falera e visitar ils "Menhirs", da lezzas uras aunc cun il bab da nossa guida. Gie, igl ei dabiars onns anavos che essan stai leu, en quei senn ei bia puspei stau niev, en tutta cass per tals e talas ch'eran aunc mai stai leu, era per las partenarias. 

Onn ei stau nuot cun pinar tier il fiug per emprem d'uost a Laax. Uonn ei quei puspei stau pusseivel. Suenter la lavur stentusa e cavigliar las duas grondas cargas roma e lenna (bletscha) havein gudiu ina buna tscheina ell'ustria sper il Lag. Lein sperar che nus savein era el 2022 far puspei quella lavur a Laax. Engraziel als organisaturs ed a Laax per il sustegn.

Stau ina bellezia sera ed ina guida professiunala entras David Flepp che ei seglius en per Meinrad da Ruschein. Sin quella via giavischein a Meinrad bien migliurament e ch'el possi beingleiti puspei turnar vid la lavur tier la vischnaunca Ilanz-Glion. Cun ina buna tscheina en buna cumpignia havein nus gudiu la sera.

"Not macht erfinderisch" dian ins sin tudestg. Aschia ha nossa radunonza electorala 2021 buca liug endadens e nus quintein che l'aura lubeschi nus da sentupar a Schluein e da star sin distanza e tuttina en cumpignia. Finalmein dat ei puspei in tec veta ed in tec sentupadas. Ei ha num da puspei organisar las seras pli exact - sco pli baul.  Selegrel sin l'emprema sentupada el 2021.

Strusch entschiet nossas sentupadas e gia finiu? Lein sperar buca per adina!

Deplorablamein stuein nus denton schar curdar nossa viseta a Tavau che havess liug ils 2 da november 2020. In niev termin ei gia fixaus el 2021 e nus sperein sin lu d'haver dumignau il temps da Corona. Uss ei "la secunda pausa da Corona" realitad. Buna sanadad e sin bien seveser el 2021.

Lessas il program sin pupi? Cheu anflas el ed astgas stampar ora quel.

Cun il plaidclav vegnas cheu direct sin las infos en fuorma da PDF >>>

En nies ARCHIV anflas entginas infos dil program vargau >>>